ಕೋತಿಗೆ ಹೃದಯಾಘಾತ : ಸಿಪಿಆರ್ ಮಾಡಿ ಜೀವ ಉಳಿಸಿದ ಯುವಕ.

K2kannadanews.in

Heart attack ತೆಲಂಗಾಣ : ವಿದ್ಯುತ್ ಸ್ಪರ್ಶಿಸಿ ಬಿದ್ದಿದ್ದ ಕೋತಿಗೆ, ವ್ಯಕ್ತಿಯೊಬ್ಬ ಸಿಪಿಆರ್​ ಮಾಡಿ ಜೀವ ಉಳಿಸಿದ ಘಟನೆ ತೆಲಂಗಾಣ ರಾಜ್ಯದ ಮಹಬೂಬಾಬಾದ್ ಜಿಲ್ಲೆಯ ಸಿರೋಲು ಮಂಡಲ ಕೇಂದ್ರದಲ್ಲಿ ಈ ಘಟನೆ ನಡೆದಿದೆ.

ಮಂಗವೊಂದು ವಿದ್ಯುತ್ ಕಂಬಕ್ಕೆ ಹತ್ತಿದ್ದ ವೇಳೆ ವಿದ್ಯುತ್ ಸ್ಪರ್ಶಿಸಿದೆ. ಈ ವೇಳೆ ಮಂಗಕ್ಕೆ ಹೃದಯಾಘಾತವಾಗಿದೆ. ಆದ್ರೆ ಸ್ಥಳೀಯರು ಮಂಗ ಸತ್ತಿರಬಹುದು ಎಂದು ಚೀಲ ಹಾಕಿ ಹೋಗಿದ್ದಾರೆ. ಆಗ ಅಲ್ಲಿಯೇ ಇದ್ದ ನಾಗರಾಜು ಎಂಬ ಯುವಕ ಅನುಮಾನಗೊಂಡು, ಕೋತಿಗೆ ಜಾಣ್ಮೆಯಿಂದ ಸಿಪಿಆರ್ ಮಾಡಿದ್ದಾರೆ, ಆಗ ಕೋತಿ ಮತ್ತೆ ಉಸಿರಾಡಲು ಸಾಧ್ಯವಾಯಿತು.

ಆ ಮೂಕ ಜೀವಿ ಇದ್ದಕ್ಕಿದ್ದಂತೆ ಎದ್ದಿದ್ದು ಕಂಡು ಅಲ್ಲಿದ್ದವರೆಲ್ಲ ಅಚ್ಚರಿಗೊಂಡರು. ಸಕಾಲದಲ್ಲಿ ಸ್ಪಂದಿಸಿ ಜಾಣ್ಮೆಯಿಂದ ಕೋತಿಯ ಪ್ರಾಣ ಉಳಿಸಿದ ಯುವಕನ ಕಾರ್ಯಕ್ಕೆ ಸಾರ್ವಜನಿಕರು ಮತ್ತು ನೆಟ್ಟಿಗರು ಶ್ಲಾಘನೀಯ ವ್ಯಕ್ತಪಡಿಸಿದ್ದಾರೆ.